SAHARAKO HERRIAREKIN

SAHARAKO HERRIAREKIN

1976ko otsailaren 27an Saharako Errepublika Arabiar Demokratikoa aldarrikatu zen eta saharar herriak urtero ospatzen du.

Marokok legez kontra okupatu zuen Mendebaldeko Sahara eta nazioarteko komunitateak ez du borondate politikorik agertu bidegabekeria historiko honi amaiera emateko. Hori dela eta, errefuxiatuen kanpamenduetan drama bat bizitzen ari da ikuspegi humanitariotik  begiratuta. Halaber, Marokok legez kontra okupatutako Mendebaldeko Saharako lurraldeetan bizi diren milaka sahararren eskubide modu sistematikoan urratzen ditu.

Saharar errepublikaren aldarrikapenaren 37. urteurrena dela eta, Araba Buru Batzarrak saharar herriari bere elkartasuna adierazi nahi dio, Landaburu Etxean  errepublika honen bandera jarriz.

Horrez gain, otsailaren 28an, osteguna, arratsaldeko 19:00etan Gasteizko Guridi Zineman Fernando López Castilloren “Mar de Arena” dokumentala proiektatuko da eta  “Saharari Kantari” lehiaketa aurkeztuko da. Esandako ekitaldian parte hartzera gonbidatzen zaituztegu.